بعض ما كُتب عن الشهيد البطل محمد النقاب ابو عمر

الشهيد البطل محمد النقاب ابو الريم بطل من ابطال معضمية الشام استشهد بتاريخ 20/82012 شاب من خيرة شباب سوريا ومن اوائل المتظاهرين ضد عصابة الاسد ومن الاشخاص الذين رفضوا الخروج والهروب خارج المدينة وبقى فيها ونال ماكان يطلب فقد سمعتها منه كثيرا عندما كان يطلب الشهادة ويتمناها وقد نلتها ياصديقي انت الان في حضرة الرحمن هو يعلم ما انت عليه وما كنت تخفي من معاني الشرف الكرامة والعزة والاباء لا اعلم ماذا اقول ارثيك او احسدك ام اشتاق اليك لااستطيع الا ان اقول لك نم قرير العين انت الان بامان في جنة الرحمن لكن فراقك صعب وحرقةً للقلب ،،، نسأل الله لك الشهادة ياشهيد ووداعا يا اشرف من عرفت من شباب هذا الوطن . حسبنا الله ونعم الوكيل
اخواني واخواتي في الصفحة حابب عرفكم على ايقونة الثورة بالمعضمية شب بل رجل لاتجده اليوم الا بشق الانفس رجل بمعنى الكلمة اخونا وصاحبنا محمد النقاب ابو الريم صاحب احلا ضحكة بس الضحكة هي وراها مجاهد كبير ابو الريم ابن بلدي معضمية الشام اتعرفت عليه اثناء الثورة في بينا اكتر من اربعة الاف رسالة وكل رسالة كانت تخليني اتمنى اليوم الي الي بدي احضن ابو الريم فيه وافرح بالنصر وايدي بأيده بيوم من الايام اقتحمو بيته ودمروه بالكامل عم احكي معه قلتله اذا في اعمل شي خبرني قلي ياصاحبي نحنا رو

حنا فدا سورية فمايهمك البيت بيرجع بيتعمر هي رسالة وحدة من فكر محمد النقاب بدكم ياني ما حبه وما ازعل عليه انا فرحتلك ياصاحبي بالشهادة لانك كنت تتمناها بس زعلان على بلد ماعاد فيها محمد النقاب لانك كنت مصدر شرف وعزه وكرامة اخسرنا معنا الله معك ياغالي الله يجعلك شفيع النا يوم القيامة الله يصبرنا على غيابك بس عملك لح ندرسه لاولادنا وبكرة لما بدي احكي لابني عن الشرف لاحكيله عنك ولما بدي اشرح لبنتي عن الكرامة لح احكيلها عنك الله معك يا غالي
لا للحوار مع الدبابات
وكأنه يعلم ان السفاح سيحاوره بلدبابة التي اطلقت عليه نيرانها
وبعد ذلك اصبح مع الشهداء
الله يهنيك يابطل والله دمك دين علينا
الشــهيد الناشط الغالي : محمد نقاب
أبو الريم وما أدراكم ما أبو الريم هو البطل الذي يشمخ به وطننا و أحبائنا الذين زفوا اليوم لتسمو بهم أمتنا والذي لو كان عند غيرنا من أهل اﻷرض الذين تقدس حكوماتهم أبطالها لنظم فيه وبأمثاله آلاف القصائد وسكبو

ا على ذكراه مئات الملاحم و لوجدت صوره تملأ ساحات الحرية و شوارع الاستقلال لأنه كان يحاضر الشعب ، يحاضر الواقع يحاضر رحم البطولة بوجه ملائكي طهور و قسماته المعبرة حتى حين يعتريها الغضب تماما كما كان صوته يهدر في ساحات الحرية صادحا محمولا على أكتاف الأبطال في تشييع و مشاريع الشهادة المعضمانية و بدنـــا أصابع نصر يا أبو الريم
نـــــــــــــــــــرفــــعـــــــــهــــــــــا فوق القصر
شهيد الحق و الصوت الحر أبو الريم الورد
ياربي دخيلك الله يتقبك من الشهداء يا أخي ويرزقنا الشهادة متلك إلى اللقاء في جنان الخلد يعني اليوم ما حتطلع عالسكايب تطمنا عنك
و لا حتقلنا تعليقاتك و آرائك و لا حتتذمر من تصرفاتنا و لا حتعصب و تصير تخبرنا انا مقصرين
مقصرين و حياة عيونك مقصرين ، مقصرين كتير حتى رب العالمين اختارك شهيد هنيئا ئلك هالمنزلة الرفيعة يا كبير بس لا تنسانا من شفاعتك يا أبو الريم
ياااااااااااااااااااااااا رب تكون مسامحنا من قلبك انت معلمنا و تاج راسنا
يـــــــــــــــــــــــا الللللللللللللللللللللللللللللللللللله
ااااااخ يا ابو الريم وين رحت وتركتنا… ليش رحت وتركتنا وما اخدتنا معك
مين بدو يعوض ضحتك وابتسامتك
مين بدو يكتب و يهتف فينا هتافات النصر
مين بكرا بدو يسهر معي ويوقف جنبي وقت كون تعبان
لمين بدي احكي اسراري وهمومي
لمين بدي افتح قلبي واحكيلو و

قت كون عم ابكي
انت يلي كنت ترسملي الابتسامة على وجهي ..هلأ خليتني ابكي على فراقك يا غالي
انت يلي تكون معي عالحلوة وعالمرة
وين ما تقعد كانو يقولولي ابو الريم كان عم يحكي عنك وانو مشتقلك
وبالآخر استشهدت وقت اجيت تدافع عني وعن رفقاتك واصدقائك
ودمك دين برقبتنا
اشتقنالك يا غاليييييييييييييييييييييييي
من أحلى ما قيل في رثاء الشهيد محمد النقاب ابو عمرأبكي …فتى فوق الثريا نفسه يلقى الممات ولا يعيش ذليلاأبكي… فتى صلبا تكاد تخاله عمرا يخيف ولا يخاف قبيلا

أبكي… فتى ثار للحق انتضى عزما يفل الصارم المسلولاأبكي… فتى كان الجميع يعده رجلا وان كان الرجال قليلاصعب علينا أن نرى بدرا هوى ونرى التراب على سناه مهيلا

صعب بأن نجد الذي حمل الهدى أمسى على أعناقنا محمولا

يا من ضربت لنا المثال مضحيا وأريتنا صور الجهاد الأولى

فحييت في ظل العقيدة ثابتا وأبيت الا أن تموت أصيلا

قد كان آخر ما نطقت بذكره “الله أكبر ” رتلت ترتيلا

يا محمد كانت حياتك قدوة ستظل روحك في الطريق لنا دليلا

نم يا شهيد الحق مسرورا فقد كان المنام عليك قبل ثقيلا

وأنعم بلقياك الرسول محمدا وبوجه ربك راضيا مقبولا راضيا مقبولا

18251_125241820964496_1152578492_n
شكراً احرار بيت تيما
فقدناكَ ..
لكننا اليومَ أقوى
فموتك جدَّد فينا الدماءْ .
وأنبتَ فينا بذور التحدي
وهيَّج فينا بحور العطاءْ .
فكيف توهَّم من قتلوكَ

رجوعَ مسيرتنا للوراءْ .؟!
فقالوا : “ استرحنا ،
لقد ماتَ “
مِمَّا
يدلُّ على أنهم أغبياءْ ..
ولم يعرفوا أن كل شهيدٍ
على الدرب ، نورٌ لنا وضياءْ .سلامٌ عليكَ ،
لقد كنت نجماً
على الأرضِ ،
تاقت إليه السماءْ ..!
.. عريس الشهداء محمد نقاب ابو الريم …يا امي لاتبكى لا تنوحى علي ارفعى راسك وخليكى بعزيمتك قويه
يا امي ابنك شهيد الوطن يا امي زغردى وافتخرى
يا امي مين الى قال انا مت انا حى والجنه مستنيه وعروستى الحور متحنيه زغردى يا امي وافرحى فيني

يا امي فدى سوريا روحى تهون الروح وما تهون سوريا عليه
يا امي يهون النفس ولأشوف رجال الدنس رايحه جايه
يا امي لا تبكى لاتنوحى عليه
يا امي الغالى روحي ترخص لسوريا وان كانت روحى طاهره نقيه
يا امي احرار سوريا كثيرين منهم تعلمنا الحريه يا امي لا تبكى لا تنوحى عليه
ان اشتقتلى بصى وشوفى فى كل عين حره عربيه
وعلقى صورتى على بابك تبقى ذكرى لكل مولود ذكر كان او صبيه
يا امي لا تبكى لا تنوحى عليه
يا امي كلمه اخيره بعدها احس بغيره اهلى وضعهم واجب تغيره لمين احكى لغيركم يا شباب االثورة ثورتنا كبيره تلم شمل سوريا على روح وحده روح الوحده الوطنية
أجّل زفافها بسبب اشتداد القصف
ثمّ تأجّل مرة ثانية لأنّ بيت الزوجية قُصف و أصبح أنقاضاً
ثمّ ألغي نهائياً
.
.

.
.
.
لأنّ العريس استشهد !
صباح الخير يا شهيدبعد صباح الخير يا أعز شهيد ، يا من كنت في الحقِ قويٌ عنيد ، وقبل الكلام ، وبعد السلام ، واجب علينا نهدي التحية ، لإبن معضمية الابية ، لأطهر دم سال سلسبيل، لأجل ما يعيش الوطن في كرامة ، وتتحطم قيود العبيد ، يا من جعلت من

قلبك درع لأجل ما يصد الظلام ، يا من هانت عليه روحه فهداها للوطن قربان ، لأجل مايسود السلام ، ويوم ما أنفجر دم قلبك الطاهر ، فصار سيول وصار أنهار، بل صار طوفان يطهرنا ، ويذهب عنا أهل الرجس ، ويغرق بثورته الظلم والأشرار .كان هتافك هو سلاحك ، كالرعد يدوي في الوجود ، وكان صوتك هو برودك يغدو لعنان السماء ويعود ، وكان إيمانك هو سبيلك لينصرك الواحد الموجود ،
قوم يا شهيد طل علينا طلة وعود ، يا حبيب رب الوجود ، كفكف دموعك وإبتسم ، بفضل الله وثورتك ،بلدك أضحت في عيد ، قوم يا شهيد
فهنيئا لك يا زهر الياسمين ، جنة رضوان رب العالمين ، وهنيئا لك الخلود في ( السدر المخضود ، والطلح المنضود ، والظل الممدود ، والماء المسكوب، وفاكهة كثيرة لا مقطوعة ولا ممنوعة ) فأنت بإذن ربنا العظيم ( في روح وريحان وجنة نعيم ).
الله يرحمك يا غالي ……
بتذكر لما كنت عم تغنيها اجيت لعندك وقلتلك لا تحكي هيك يا محمد قلتلي بدي استشهد….
الله يجعل مثواك الجنة  …. اخلصت النية والله عطاك متل ما طلبت …….
http://www.youtube.com/watch?v=V2m4glFYgLI&feature=youtu.be
قالولي كن وانا رايح جن حبابي يما يا يما نار بروس الجبال …
حبابي يما تركوني راحوا بعيد ونسيوني … بعدو حبن على بالي نار بروس الجبال……
محمد يا محمد مين هلأ بدو يدائفني ويقلي نحنا هلأ عنا ثورة مو وقت أغاني فيروز ….. مين ؟؟؟؟
الله يرحمك يا أبو عمر ويجعل مثواك الجنة …بتذكر يوم عملتلك سلطة وما حبيتها شو ضحكت عليي … هلاء رح تاكل من ثمار الجنة ومارح تتذكر السلطة الي ماكانت طيبة … يومها كنتوا كتير جوعانين وانتوا مشردين من بيت لبيت لأنكم أحرار …
الله يرحم ترابك يا غالي ويجعل مثواك الجنة … وتفرح بعرسك بالجنة … والله فرحانة كرمالك يا شهيد … بس غيابك وفراقك عزيز عليي … كيف بدي اتحمل ما نشوف ضحكتك وعصبيتك … كيف بدي انسى خوفك علينا … كيف بدي انسى طلتك يا محمد يا أبو الريم الغالي …. ياااارب تتقبل الحر البطل المجاهد محمد نقاب أبو عمر
67808_132373540246304_1054676595_n
الله يرحمك يا أحلى أخ
الله يرحمك يا غالي
الشهيد البطل الحر محمد النقاب ابو عمر استشهد ثاني ايام العيد الى جنات الخلد با شهيد
ابــــو الــــريـــــــم كـــــنــــت غــــالـــي عــلـــيـــي  كـــتـــيـــــر وكـــنـــت تـــقـــلــي انــــــت كـــــــبــــــــيـــــر ورجـــــــــال رح اتـــــذكـــــر هـــــي الــــكـــمـــه طـــــول حــــيــــاتـــي يـــــــــــاكــــــــبـــــــــــــيـــــــــــر
إعداد ll  تنسيقية معضمية الشام – الثورة السورية في ريف دمشق  ll
هذا المنشور نشر في شهداء معضمية الشام وكلماته الدلالية , , , , , , , . حفظ الرابط الثابت.

2 ردان على بعض ما كُتب عن الشهيد البطل محمد النقاب ابو عمر

  1. يقول AHMAD:

    الله يرحم ترابك يامحمد الله يرحمك كنت غالي ورح تضل غالي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s